[+/-] : 動畫評價與觀眾

一套動畫好與壞, 唔一定係因為某評論話好或唔好而定, 因為依家好多動畫都係商業片, 故事同角色美感之中選一項做主題, 通常角色美感係係商業上重要 (始終周邊係商業既一環, 無人想買一個樣衰既男角返屋企放吧?)

第二個問題就係所謂既大制作, 名氣好多時令好多人對某動畫好有期望, 當出黎既效果同期望唔同就會出現好多不滿, 或者有一班所謂既"睇左漫畫總覺動畫唔好"既人, 將 2 者比較就會顯出漫畫較好. 不過2 者係唔可以作比較, 始終動畫應該以漫畫作藍本去制作, 而唔係 100% 將漫畫內容照搬.

第二個問題就係有一班人好鍾意投訴, 例如 4 月既新番, CODE GEASS R2 有人話太似第一季所以唔好, 有人話 RORO 太屈機... 但太似第一季有咩問題, 個故事又唔係爛, RORO 屈機有咩問題, 唔通要 LULU 一出場就搶左部勁機, 之後秒殺成隊軍隊嗎? MACROSS F 就有人話人設唔靚, 戰鬥畫面太激烈 (這是問題嗎?), 敵人太強.....好多好無聊既投訴而影響其他人想睇既意欲.

最攪笑係睇到一個關於 TO LOVEru 第 3 話既問題, 有人覺得第3 集春菜想向梨斗表白個一段 (其實都唔算, 只係梨斗以為係.)好唔掂, 但其實個一段D 對白同漫畫入面無分別, 我睇左漫畫同動畫版都唔覺得有咩問題, 個一段其實個感覺唔錯. 而且動畫只得 26 話, 唔可能將所有漫畫情節照搬(咁要 52 話先夠.),

所以, 睇動畫, 自己覺得好睇, 就表示係一個好既動畫...
Read more

[+/-] : 我的 XX 女友尺度與香港評審制度

其實我會考慮 POST 第3集既"我的 XX 女友"既相上黎, 因為呢一集比較少露體 (雖然意識比第2 集更不良.), 可以話唔會教壞細路.

於是有人係論壇講起一件事, "我的 XX 女友"會唔會禁播呢, 我可以好肯定咁講唔會, 因為係收費電視度播, 即係等如有線係佢另外收錢個台度播 4 仔, 係俾錢個時就同意佢所列出黎既 TERMS, 包括已經夠18 歲, 知道係睇緊 4 仔....

但我知道呢套片一定唔會係香港播 (真係好可惜既, 因為 D 色情笑話真係好好笑.), 如果播香港實有好多傻仔去投訴, 一定破晒紀錄 (就算係收錢既都係.), 我諗第一集未播完就俾人投訴到仆街 (唔知點解我覺得仆街呢個字係形容個D 投訴之多...)

但點解無人投訴報紙 D 風月版呢, 佢地係跟報紙送, 佢地唔使 18 歲都買到, 佢地日日都有出版...咁點解所有人都覺得只有動畫/電影/劇集先會教壞細路, 而唔係個報紙...

好似之前有人投訴話秋天的童話有一句"屌你老母", 但我睇左 2 次都唔記得有一句咁既話, 但我記得其他情節, 同埋入面拍得紐約市好靚. 而且係巴士成日有人屌其他人老母, 你覺得細路唔會學講嗎, 你需要投訴埋個個人嗎, 投訴埋係街既地盤工人, 送貨, MK 仔女, 黑社會人士教壞你個仔女嗎? 定係教佢地要學識 "SAY NO" 唔好跟住講. 投訴同評審個個班人都係一個笑話.

"我的 XX 女友"很意識不良嗎?

第一集, 女主角推倒男主角
第2 集, 女主角係街推倒男主角, 同埋之後同隻狼一齊係個浴室度打水上摔角....
第3 集, 女主角同隻狼幫男主角做 BODY MASSAGE, 之後女主角同男主角話打 PAT PAT 遊戲

如果講意識不良, 睇下另一套"記憶女神的女兒們", 第一集就女主角俾某變態女博士 SM, 之後仲要露點同某男打鬥, 個段 SM 對白俾"我的 XX 女友" 不良 N 倍. 最睇下 GTO 漫畫某期, 鬼塚除左某爛仔條褲之後串人地下面好黑, 黑到連 D 女都驚, 所以最好係自己間房睇住4 仔打飛機就好LA.

俾D 意識不良既野大家睇 LA

...
Read more

[+/-] : 睇動畫.....

呢排睇緊D舊動畫, 不過 DL 係一個好煩既事, 因為有好多太舊無晒SEED, FOXY 又 DL 得慢. 所以依家都係見有想睇個D 就 DL, 因為遲D 可能無晒SEED (之後睇唔睇係個人問題.)

依家 DL 緊既有"歡迎加入 NHK", 呢一套係一直都好想睇, 但係就唔記得左 DL. 不過都 DL 左 2 日 (2.0 GB 都要DL 咁耐, 唉...).

其他個 D 要靠池仔 LA, 要我俾個LIST 你 MA?

你俾條SEED 我就可以 DL GA LA.......
Read more

[+/-] : GSD 與 00 的比較

記得 00 出個時, 有D 人話, 00 D 機樣衰, 無 GSD 同 SEEDD 機咁靚. 所以無SEED 咁好睇.

依家第一季完左, 整體黎講 00 比 SEED同GSD 好睇. 起碼劇情有深度, 最後一集結局睇左係令人想睇第2 季, 而 GSD 我睇左最後一集唔想佢出第3 季或 OVA.

SEED 其實都仲可以, 最嚴重係 GSD, 劇情爛到令人睇個時爆粗, 不過係因抱住想睇下一套動畫可以有幾爛所以先去睇. 頭 10 集都未有呢個感覺, 但一到基拉出場我知道劇情會爛, 因為基拉應該係邊一派度, 如果佢只係以好似係 Z 入面阿寶或者馬沙咁出現, 去幫助主角就唔會有呢個問題. 但基拉係 GSD 話俾我地聽, 佢係絕對正義, 佢所講或做就係真理, 咁原先主角或其他人所做既就係唔正確.

其實係 UC 系既高達動畫, 無咩角色係絕對正義, 忠同奸只係觀點角度問題, 而且只要有共同利益就可以合作, 呢個世界無永遠既敵人.

例如馬沙係 0079 好似好奸, 但佢所做既野只係報仇, 但係 Z 度佢個段演說好正義 (PS: 但我唔係馬沙, HAHA, 你認錯人.) 0083 入面 GP03 個隊人最後既出場跟本就係度搗亂, 因為聯邦已經同絲瑪個邊傾好左俾佢加入, 而且絲瑪本身係一個悲劇人物 (某程度上好多人都係睇左 0083 先覺得自護比聯邦更正義.) 而 0083 既結果係引起 TITANS 既成立.


而 00 最後 D 主角唔係死左就係失蹤, 而"敵人"方面就一個都無事, 但佢地的確改變左世界既部分問題....
Read more