十字架與吸血鬼

十字架與吸血鬼係其中一套我有睇既1 月新番 (另外一套係"你是主人我是僕"), 睇呢 2 套片既原因其實差唔多, 都係因為有留意漫畫 (你是主人我是僕係因為係唔知邊度睇個個封面, 覺得唔錯.)

漫畫出左 2 季, 第一季有 10 卷, 第2 卷就連載中, 依家出到第 3 話 (08 年 1 月出第3 話.).

基本上漫畫第一季由第 3 卷開始就以打鬥為主題, 去左第2 卷就去返一開始既主題, 校園攪笑.

不過動畫得 13 集我擔心要 CUT 左好多野, 因為只係對 D BOSS 級既人已經講左 1 本半漫畫, 一集係未必講得晒, 如果 26 集會好好多.

故事講一個叫青野月音既普通男仔, 因為考高中失敗升唔到, 但係某個原因 (其實可能係某人造成既.)佢入左一間全部都係妖怪既高中-陽海學園. 本來想走但因為係入面識到女主角赤夜萌香, 所以就改變 (漫畫係因為女主角, 動畫版係因為無巴士俾佢搭.), 但唔好既就係成日俾萌香吸血

女主角萌香 (中間有十字架個個) 係一個吸血鬼, 當十字架除下就會變成 S 級妖怪 (根據某卒仔妖怪介紹.), 一個銀髮紅眼既吸血鬼, 而十字架只可以俾男主角月音可以除下 (月音就等如一條開鎖既鎖匙一樣)

當然之後會有更多女角加入 (包括上面個 3 條女.).


動畫睇左 2 話, 第一集既露底鏡頭非常多, 比漫畫版多 N 倍 (漫畫版露底同 90% 色情笑話都係由胡夢, 左邊個個藍髮大波女做既.), 而且連吸血個動作都變成 KISS, 睇黎制作既GONZO 想將呢個動畫整成攪笑既多.



第二集既重點就係胡夢不停送波餅俾男主角食, 男主角果然唔係普通人, 俾 2 個波吸住仲可以呼吸. 而且仲有 N 咁多個搖乳特寫, 比漫畫版色情 N 倍. 而且集集唔同款式.



CV 方面 OK, 個人期待配人狼既關智一, 因為我想睇下佢點樣配一個色狼 (之後就會俾其他女角狂打.), 配個種一時好正經, 一時就好攪笑個 D.