今日同平時一樣, 都係一個普通既日子. 突然間阿嬸叫我代佢去參加我堂弟既家長日, 即係見佢既老師, 我堂弟當然好開心, 因為佢覺得我通常只係坐係度聽, 而唔會鬧佢.

於是突破發現自己就快 22 歲, 成日同人講當人到左25 歲就會開始擔心自己好多野, 好似份工, 買樓, 幾時結婚. 其實呢D 野只係3 年後就會發生. 雖然結婚呢樣唔係我考慮既問題之內, 份工我都諗住畢業就租鋪頭創業, 真正要擔心可能係要有個地方住.

有時人愈越大就唔知自己想做咩, 以前個D 夢想早就無左, 當見到有D 2X 歲就結婚, 再睇返自己, 思考自己要唔要定一個計劃, 不過我都明白呢個世界無野係跟足預定既計劃進行
.
或者有時我阿媽見到將個ROOM 整到好混亂, 佢就話唔知我以後個太太一定俾我激到頭痛, 我記得我好似答話我唔結婚就唔會有呢個問題出現. 因為我覺得好難會有人接受我所有缺點, 要接受需要好大既包容能力.

PS: 慶祝西維爾西甲排第5 位, 已經連續 6 場西甲聯賽未輸過....