人生與命運

首先要講今日係 KA LOK 返香港既日子, 祝佢有一個愉快既旅程, 返到香港揾 PAN 同池仔食飯.

4 月仲有一個星期就完, 終於到左 5 月份, 諗起 5 月份就覺得開心, 除左天氣仲有其他原因, 就好似返工既人等放工一樣, 5-6 點係一日最好既時間.

5 月表示今個 SEMESTER 就快完, 係時候等自己個腦同我部電腦可以去返正常既 THINKING SPEED. 就好似有人問讀書係為左咩, 一直都唔知點解, 不過我諗原因係為左攞個學位俾屋企人睇 (記得有一個人係咁同我講既.)

其實我好想同我 FATHER 講, 我唔係一個讀書叻既人, 我係做生意個方面比我讀書好好多倍, 至少我自己覺得係, 讀左咁多年無咩覺得自豪既成績. 但好多野無辦法而且唔到我去選擇, 好似 NHK 入面某眼鏡男想改變由其他人設計既人生, 但最後都係改變唔到, 因為佢 (同我地)都只係一個普通人, 其實係好悲哀, 發現自己控制唔到自己人生. 因為社會太多所謂既標準, 但我自己就係個種鍾意脫離標準既人, 可以話係有少少反社會既傾向 (有一個中學同學話我既性格 CYNICAL.), 所以當做唔到自己要求既時候就會覺得好傷心.

所以, 人都係唔好知道太多野好, 知道太多會傷心既.