向日本 3 位動畫神人致敬

如果大家有留意動漫新聞, 呢3 日最HIT 既就係 3 個係 SHARE 度放片源既神人俾警方拉左. 詳細可以去 D 討論區既動漫區睇.

基本上呢 3 個人放既片源係今年 4 月新番既 80% (不過竟然無放 MACROSS F 同 我的 XX 女友.) 其中一個人既屋企有 14 個 HD, 6 部 PC, 仲有 DVD RECRODER 同監視器, 可以話係工場既制作. 呢 3 個人平時係有工作既普通人 (公司職員.)

新聞出左之後有部分專業放片人員決定引退 (暫時???), 令到好多人擔心今個星期同下個星期既動畫可唔可以如期出 (或者有無得出.), 因為無片源既話字幕組就唔可以將佢做成中文字幕 (當然大家可以去 NICO 或者睇直播.).

睇返星期五, 六上既動畫, 大部分都叫做有準時出 (我的 XX 女友, 迷宮塔.) 其他無出既只係 D 冷門既動畫. 迷宮塔仲要係發生件事後第2 日就出, 可能係某D 人為左向俾人拉左個 3個人致敬而出, 我本身睇過 D 畫質都係可以接受, 今日睇既"我的 XX 女友" D 畫質都係可以接受 (其實無咩分別.), 所以可以話係好多人無視俾人拉既危險. 更加有人 (或者係佢本人.)用同一個 ID 去放片.

其實呢件事好似幾個月前陳 X 希事件, 警方拘捕幾個放相既人 (當然佢地只係中間既線, 唔係主要人物.), 但之後仲有好多人放相出黎, 有人更加公然自稱係奇拿去放相, 再之後就變左係 MSN 傳. 過左一陣呢件事就突然消失左 (係相既當事人潛水後.), 無人再放相上去. 所以禁制只會引起更多人去挑戰. 好似香港以前打擊盜版, 無左盜版就變左 BT, P2P, FOXY.

今次事件既灰色地帶就係, 好多動畫係係公共電視台播既, 所有人都可以錄起佢, 再俾朋友黎睇, 只要唔係用作商業用途就可以. 所以係P2P 傳都可以叫做傳俾朋友睇, 而且好似之前 D 相咁, 可以係 MSN, 討論區 PM 傳.

另一方面好多動畫制作公司都無對呢件事有表態, 因為 P2P 係有好有唔好, 唔好係少左遲D 出DVD 既收入, 但好多動畫都係靠周邊 PRODUCT 作為收入, 收入來源最大既係亞洲, 好似台灣, 香港, 南韓呢 D 地方, 如果好似 BANDAI 咁出一堆 GUNDAM 00 模型, 但香港既人 2 年後先睇 GUNDAM 00, 咁 BANDAI 呢2 年出既 00 模型就會賣得非常差 (連一班有睇過, 有消費能力既人都無埋), 因為無人睇過.

不過, 都要向3 位神人致敬, 你地既努力係唔會白費, 會有千千萬萬個人承繼你地既遺志....