今日同另一個以前既中學同學係 msn 傾計, 都有成 4 年無見過面.
4 年有好多野變左, 有 d 人大學畢業, 有 d 人結左婚, 有 d 人仲讀緊大學. 有 d 人就去左另一個地方生活....
雖然呢 4 年有係 msn 傾計, 但真係面對面既就未試過, 可能大家都住係唔同既地方. 可能某一日會攪一個 reunion 掛.
我呢個同學問我讀緊咩, 我其實都唔知自己想讀咩, 4 年 la, 我已經唔係個個好有理想既我.
我個同學就好似個時好多同學一樣, 讀藥劑, 讀藥劑好, 因為好似市場好需要呢種職業既人才, 我記得當年唔選擇藥劑係因為我唔鍾意醫院個 d 消毒水味. 就好似 nkk 問我覺唔覺得後悔, 我答後悔已經太遲, 而且我有太多野要後悔, 已經唔知由邊一樣開始, 咁其實係好可悲.
之後講起某個同學既女朋友, 問我有無見過, 我話睇過張相, 佢地都好似拍左 3-4 年, 如果我無記錯既話. 我都覺得我呢個同學比人有一種穩重既感覺, 比起我呢 d 成日玩玩下既人唔同, 所以女仔選佢絕對正確.
仲有好多廢話講, 不過人生講既 80% 都係廢話, 所以無所謂
Subscribe to:
Post Comments (Atom)
0 意見:
Post a Comment