最近既銷售數字比較差, 原因可能同最近既經濟環境唔好有好大關係.

不過 10 月上半月總算守到上年同期既數字, 當然經濟越唔好我就要增加貨品數目, 就好似係股市低迷個時要入平貨一樣, 雖然咁樣做有一定程度既風險, 但呢 d 貨品買返黎就係賣出去, 如果積埋會更煩.

可能呢個就係唯一一樣似我阿媽既野, 佢都想呢個時間係股市撈底, 如果佢有 $20000 我相信佢已經入左市, 有膽識同眼光但可惜無資金, 如果佢年輕時有人揾佢攪公司我相信個間公司會好掂.

我自己都唔係有資金, 但由我第一日去上 marketing 既堂我就知道我既能力係邊, 無資金就由零開始, 唔識賣就去睇參考書學, 試下賣唔同既貨品, 由一開始賣 game, 模型到依家賣公仔, 係錯誤中學習, 一開始一樣試過俾一 d 唔好既買家攪到要賠錢, 放上去既野完全無人留意, 試過想放棄唔做.

不過我學識一樣野, 叫做 self-motivation, 我相信大部分 sales 同好多服務性行業都識呢樣野, 我會話俾自己聽放上去既野一定賣得出, 賣唔賣得出唔係重點, 而係個種信心既問題.