天體戰士係講, 根據入面介紹, 係桑雷德係多摩川同怪物作戰既故事. 但其實係一套惡攪特攝英雄片 (特別係 x 面超人, 因為桑雷德個樣同騎電單車既動作都係度模倣.).
上江州誠 x 岸誠二作品, 即係花嫁既制作人, 如果大家睇過花嫁就知道呢 2 個人既喜好同風格, 就係大量英雄電影動畫既惡攪, 而且除鍋井 xx 子之外 d 配音都用假名 (好多仲要一人配 4-5 個角色), op 好熱血會令人以為桑雷德好強, 但最後揸架中古電單車去車行可以話係一個諷刺. ed 可以話同花嫁既 ed 1 差唔多
成套動畫就係一個諷刺, 所謂正義既英雄只係一個著住條底褲, 係屋企食軟飯既廢柴 (有一話就以食軟飯既日文同音字做 gag.), 而個 d 所謂邪惡既怪物就俾桑雷德欺壓. 正義同邪惡互換.
故事其實幾生活化, 例如第 5 集怪物無錢就要去鬼屋打工, 一開始俾主管話, 之後到自己做左主管, 就用同一種口吻去教訓新人, 或者好似桑雷德俾佢女朋友叫去買一款好多人買既麵包, 排左 n 個鐘返到去佢女朋友發現唔係咁好食 (名氣唔等如 quality.), 入面既細節簡單, 無聊得黎又攪笑
其實呢類低成本作品香港都可以制作, 點解無人去試下...
ps: 天體戰士係漫畫改編既
0 意見:
Post a Comment